Pentagon Broken!*

Hum sabke kirdaar badalte jayenge,

Kuch dosti toh kuch ishq ke naam se jaane jayenge,

Maine toh yeh soch ke jannat bhi chod di,

Ki gaye toh saare dost ikkathe jayenge!*

Some memories never leave you whether you are with them or not and most probably these memories always stay with your endless journey of your life.

Mujhe sapne nahi dikhte agar dikhte bhi hain, toh aksar unhe bhool jaata hoon, jaise subah kya khaya , college mei lab coat na le jaana lekin kuch cheezein aap bhulane chaho nahi bhulayi jaati jaise yaadon ka woh gathha jo meri kisi hard drive mei Shlaaru naam se saved folder mein.

Ek aadhi padi kitaab , ek railway line ki doori par bikhra hua woh appy ki parties, woh kalaveer ki chai aur gaadi mei pade woh kuch goggles ke panne, jiske aage koi hisaab nahi hai,

Kaise ginu zehan mei ubalte hue roz kahi naye sawaal, khidki ke darwaazon par ban rahi woh kuch tasveerein . Nikalte sooraj ke sath parindon ki awaaz mei woh boliyan, aur ghumte pankhon ke beech o beech jami hui hamari nazrein , moch aane pe uthake le jaane wale iraade, aur har saal trip plan karne wale woh sapne, Kitna kuch chal raha hai is ruki ruki duniya mei!*

Maine ek kaahani padi thi ki ek baar paanch dost ek registaan se guzar rahe they,

Chalte chalte kuch doori par dono mei se kisi baat ko lekar jhagdha hone laga jaise hi hone laga toh ek dost ne dusre ko thappad maar diya

Thappad khakar bhi woh sab ek sath chalne lag gaye

aur jis dost ko thappad pada us dost ne us rait pe likh diya ki muje mere ache dost ne thappad maar dia

Phir thodi der baad us dost ne dusre se maafi maangi

Phir kuch der chalkar ek talaab aaya sabne kahan chalo naha lete hain,

nahate nahate ek dost ka paun fans gaya aur woh girne lag gaya toh dusre dost ne use bacha lia aur usne bhi ek pathar mei likh dia ki mere dost ne mujhe girne se bacha lia

Toh ek ne pucha ki tune pehle rait pe likha phr pathar pe likha iska matlab samaj ni aaya

Toh usne jawaab diya ki doston ke beech bahut si baatein hoti hain jhagdhe bhi hote hain lekin agar tumhari dosti sachi hai toh purani aivam purani baatein bhula deni chaiye

Lekin kuch cheezein jo jodke rakhi jaaye woh kabhi ni judti .

The pentagon we started is finished!*

Paancho manzil ke liye sath niklenge

Tum sab us sadak se jaana,

mai is gali se niklunga.

Us modh par jahaan shaam dhalti hai.

Mai tum sab ka intezar karunga.

Aana, waha se hum sab sath aage

chalenge.

☘️☘️☘️☘️☘️☘️☘️☘️☘️☘️☘️☘️☘️☘️☘️☘️☘️☘️