Thunderstorm

Subah college jaane ke raaste me
college pahunchne se theek pehle
main ek din kho jaana chahta hoon
raaste me nahi, koi sadak mein

main chahta hoon ki mera koi ek khwaab
achanak beech sadak par mujhse takra jaaye
gaadi se bag nikalne se pehle,
koi mera haath pakad kar mujhe ghaseeta hua
kisi anjaan dunia ki ek andhere raaste me le jaaye
wahaa koi teekha sa chaku dikha kar
wo mujhse meri zimmedariyan aur bahane chheen le
phir hasta hua meri aankhon ke saamne se gayab ho jaye!*

main waha bas khada rahu
mere paas koi aur rasta na bachhe
sivaye koshish karne ke
us khwaab ko pakadne ke!*

Aaj kaafi dino baad bijlee ko chamkte dekha ,

Ek alag sukoon sa tha us bijlee ko chamkte hue dekhne mei jaise mere koi purane yaadein saamne aa rahi ho

bachpan me main ek baar bahar se ghar aate waqt raat ho gayi thi aur bijlee ko chamkta dekh kar usme kho gaya tha us roz maa ne mujhse kisi bhi cheez ka hisab nahi maanga na pucha ki kahan tha bas mujhe dekhte hi seedha gale se laga liya shayad isliye main har raat khudko kisi kahaani me kho dena chahta hoon taaki jab main wapis khudko milu to bina kisi sawal ke khudko apna loon!*

Yeh video tum sabke liye dekhke batana kya sukoon hai bijlee ke chamkne mei *UPLOADED*